İlbaşı Ärdoğan Farsı qultığına säfärgä äzerlänä

Törkiyä ilbaşı idaräseneñ êlemtä bülege xäbär itüençä, ilbaşı Räcäp Täyyip Ärdoğan kiläse atnada 21–23 oktyabr’ könnärendä Farsı qultığı turı qısalarnda Kuveyt, Qatar häm Omanğa baraçaq.

Êlemtä bülege başlığı Burhanettin Duran süzlärenä qarağanda, bu säfärlär öç Farsı qultığı ile liderınıñ çaqıruı nigezendä oyıştırıla häm säyäsi, iq’tisadi, saqlanu ölkälärendä xezmättäşlekne nığıtu, şulay uq möhim regional’  häm xalıqara mäs’älälärdä urtaq poziśiyälärne bilgeläw maqsatında ütkärelä.

Duran X platformasında yasağan belderüendä citkergänçä, Ärdoğannıñ säfärlär waqıtında säwdä, investiśiya häm ênergiya partnyerlıqların kiñäytüne küzdä totqan kileşülärgä qul quyuı

Älege tur Törkiyäneñ zur iq’tisadi kileşülär häm strategik dialog belän ireşelgän yaqınayu çorınnan soñ Farsı qultığı illäre belän mönäsäbätlären nığıtu tırışlığın kürsätä.

İlbaşı­nıñ bu säfärläre, şulay uq, Törkiyäneñ Yaqın Könçığışta däwam itüçe bäreleşlär häm üzgärüçe ittifaqlar arasında ähämiyätle aradaşçı häm regional’ köç üzäge sıyfatındağı urının nığıtu omtılışlarınıñ ber öleşe bularaq bäyälänä.

 Ärdoğan Farsı qltığına soñğı tapqır 2023 yılnıñ iyül’ ayında säfär yasağan ide.