Paqıstan belän Äfganstan arasında 48 säğätlek ut tuqtaw däwam itä. Yaña bäreleşlär turında xäbärlär yuq.
Bu kileşü Paqıstan xärbiläre belän Äfgan Talibanı suğışçıları arasında çik buyındağı bäreleşlärdä distälärçä ğaskäri häm tınıç xalıq ülgännän soñ täêmin itelde.
Qarar Äfganstan waqıtlı xökümäteneñ yuğarı däräcäle diplomatı Amir Xan Muttaki Hindstanğa altı könlek säfären tämamlağannan soñ qabul itelde.
Älege kileşü İslamabad citäkçelegeneñ Qabuldan köç qullanunı tuqtatu taläbennän soñ başlatıldı.
Paqıstannıñ tışqı êşlär ministrlığı bu waqıt êçendä çişeleş tabarğa tırışaçaqların açıqladı, Äfganstan waqıtlı xökümäte isä üz ğäskärilärenä kileşüne bozmıyça ütärgä boyırdı läkin kileşü bozılğan oçraqta cawapnıñ qaytarılaçağın citkerde.
Paqıstan saqlanu ministrı Xawaja Möxämmäd Asif kileşüneñ ozın waqıtqa suzılaçağına şik belderde häm Hindstannıñ Äfganstan Talibanın yaqlawın äytte.
Taliban utnı tuqtatudan alda Paqıstan çigendä oyıştırğan höcümnär İslamabad citäkçelegeneñ qırıs reakŝiyasenä kiterde. Paqıstan Äfğanstannı üz cirlärendä terrorçılarğa urın birüdä ğayepli. Äfğanstan isä Hindstan belän bergä yasağan belderüendä Käşmirneñ Hindstannıñ ber öleşe buluın citkerde.
Äfğanstan Talibanın çik buyındağı iminlek bülekçälärenä höcüm itüdä ğayeplägän Paqıstan armiyase bu höcümnärdä yaqınça 20 Taliban suğışçısınıñ üterelüen äytte. Äfğanstan Talibanı isä Spin Boldak yanındağı bäreleşlärdä grajdanlılarnıñ ülüen açıqladı.
Paqıstan Äfğanstannıñ Kandahar vilayätendä häm Qabulda Äfğanstan Talibanı häm Havaric törkemenä bäyle sıyınır urınnarğa höcüm itüen belderde.
