Ärdoğan Êfiopiyağa säfär yasıy
Älege säfär räsmi mönäsäbätlärne urnaştırunıñ 100 yıllığı uñayınnan yasala
Törkiyä Cömhüriyäte ilbaşı Räcäp Tayyip Ärdoğannıñ Êfiopiyagä yasayaçaq säfäre cirle mätbuğatta kiñ urın aldı. Xäbärlärdä, ike il 16nçı ğasırğa qädär suzılğan mönäsäbätlärendä borılış noqtası bulğan adım belän, Törkiyäneñ başqala Addis-Ababadağı ilçelegen açunıñ 100 yıllığın qotlağanda bu säfärneñ diplomatik ähämiyäte assızıqlandı.
Däwlät häm şäxsi madia oyışmaları säfärne ğomumän uñay bäyäläp, küptännän däwam itüçe bäyläneşlärne, artıp baruçı iqtisadi xezmättäşlekne häm Änkara citäkçelegeneñ töbäktäge diplomatik rölenä basım yasadılar.
Premyer-ministr Abiy Äxmätneñ çaqıruı belän sişämbe könne çınğa aşuçı säfär, ilbaşı Ärdoğannıñ 10 yıldan artıq waqıttan soñ Êfiopiyagä yasağan berençe säfäre bulaçaq.
Däwlät televideniyese “Fana” säfärneñ ike yaqlı mönäsäbätlärne yaña däräcägä kütäräçägen belderde.
“Addis Standard” isemle şäxsi media oyışması da säfär turında xäbär yasap, anı Somali yarımutrawındağı kiyerenkeleklär häm Törkiyäneñ töbäktäge diplomatik êşçänlekläre belän bäyläde. Xäbärgä kürä ike ilneñ räsmi däräcädä tözelgän törle xezmättäşlek kileşülärenä qul quyu kötelä.
İke yaqlı mönäsäbätlärneñ yöz yıllığın qotlaw çarasında çığış yasağan Törkiyäneñ Êfiopiyädäge ilçese Bärk Baran Ärdoğan säfäreneñ bolay da köçle bulğan mönäsäbätlärne tağın da üsterüne añlatuın äytte.
Baran: “Törkiyä häm Êfiopiyäneñ säyäsi, iqtisadi häm sośial' mönäsäbätlärne dä kertep, törle yaqlap strategik mönäsäbätläre bolay da bar,” - dide.