Makron: “İzrail kürşelärenä qarata daimi suğış xälendä iminlek täêmin itä almıy”

Franśiya ilbaşı äytüençä, İzrail kürşeläre belän daimi suğış xälendä bulğan çaqta iminlek yäki totrıqlılıq urnaştıra almayaçaq.

Makron N’yu-Yorkta BMO ğomum şurasında yasağan çığışında, Yaqın Könçışta tınıçlıqnıñ ähämiyätenä basım yasap, Fälästin, Livan häm başqa regional’ aktyerlar belän barğan qarşılıqlarnıñ totrıqsızlıqnı arttıruın belderde.

"Kürşeläre belän daimi suğış xälendä bulğan İzrail öçen iminlek tä, totrıqlılıq ta mömkin tügel”, – dide ul.

Makron sişämbe könne Gazzädäge üterüne tuqtatu häm ike däwlätle çişeleşne saqlap qalu öçen ışanıçlı plan qabul itelüen belderde.

Şulay uq Franśiya häm Soğud Ğaräbstanı äydäp barçanlığındağı tınıçlıq tırışlıqların alğa cibärü maqsatında äzerlängän “N’yu-York deklaraśiyase”neñ 142 BMO äğ’zası tarafınnan imzalanuına qanäğat’ buluın belderde.

Töbäk iminlege

Makron Süriyägä qağılıp, Äsäd rejimı bärep töşerelgännän soñ   ildä berdämlek häm bäysezlekne yañadan torğızu kiräklegen assızıqladı.

Ul Franśiyanıñ Süriyä cämğıyäteneñ barlıq öleşlärenä xörmät kürsätkän säyäsi küçüne yaqlawın äytte.

Makronnıñ süzlärençä, kiñqırlı idarä genä totrıqlılıqnı yañadan torğızırğa häm ildä bäysezlekne kire alırğa mömkin.

Makron monnan tış, İrannıñ atom -töş  programması yañadan tulısınça kontrol’ astına alınmasa, töbäk totrıqlılığı qurqınıç astında bulaçaq dip kisätte.