Ukraina belän Soğud Ğaräbstanı saqlanu ölkäsendä kileşte
Volodimir Zelenskiy Kiyev belän Riyad arasında kileşügä qul quyıluın äytte
Ukraina ilbaşı Volodimir Zelenskiy, comğa könne Farsı qultığı ilenä yasağan säfäre waqıtındağı belderüendä ileneñ häm Soğud Ğäräbstanınıñ saqlanu xezmättäşlege mäs’äläsendä möhim kileşü täêmin itüen äytte.
Zelenskiy “X” (êlekke Twitter) platformasında bastırılğan belderüendä ike ilneñ saqlanu ministrlıkları arasındagı kileşüneñ Soğud Ğaräbstanı täxet warisı, prinś Möxämmäd bint Salman belän oçraşuı aldınnan imzalanuın belderde.
Zelenskiy: "Bu kileşü kiläçäktäge kontraktlar, texnologik xezmättäşlek häm investiśiyälär öçen nigez bulıp tora. Şulay uq Ukrainanıñ iminlek donorı bularaq xalıqara rölen dä nığıta," - dide.
Ukraina liderı Soğud prinśı belän oçraşuı turında söylägändä, Yaqın Könçığış häm ğomumän Farsı qultığı töbägendäge xäl, yağulıq bazarlarındagı üzgäreşlär häm potenśial' energiä xezmättäşlege kebek mäs'älälärne qarawların äytte.
Pänceşämbe könne Soğud Ğaräbstanına kilep citkän Ukraina däwlät başlığı biredä "möhim söyläşülär" planlaştırıluın belderde.
Zelenskiy comğa könne irtän, İrannıñ keşesez oçu apparatlarına qarşı toru öçen soñğı ber atna däwamında Farsı qultığı ilendä bulğan ber törkem Ukraina xärbi belğeçläre belän oçraştı.