Belgiyädä sinagoga şartlawda zıyan kürde
Wäqalätlelär bügen irtän L'yej şähärendä bulğan häm sinagogağa zıyan kitergän şartlawnıñ säbäplären tikşerä.
Politsiya Belgiyäneñ könçığışındağı L’yej şähärendä sinagoga şartlaw näticäsendä zıyan kürüen häm şartlawnıñ säbäpläre tikşerelüen belderde.
L’yej politsiyäse wäkile berkem dä zıyan kürmäwen häm “ barı tik matdi zıyan ğına” buluın äytte.
Wäkil şartlawnıñ düşämbe könne irtänge säğat 4:00 tiräsendä sinagoga qarşında buluın häm uramnıñ qarşı yağındarı binalarnıñ täräzäläre watıluın da citkerde.
Frantsuz telendäge “RTBF” telekanalı xäbär itüence, rayon tiräsendä qurqınıçsızlıq täêmin itelgän häm federal politsiyäneñ waqıyğa urınına kilüe kötelä.
1899 yılda tözelgän sinagoga, räsmi säxifäsendä äytelgänçä, L’yej yähüd cämäğate tarixın kürsätüçe muzey bulıp ta xezmät itä.