Xaqan Fidan: İzrail tağın da küprak cirlärne basıp alu öçen qurqınıçsızlıqnı sıltaw bularaq qullana

Törkiyä tışqı êşlär ministrı Xaqan Fidan İzrailneñ qurqınıçsızlıqnı sıltaw ittep "tağın da küprak cir" basıp alırğa tırışuın äytte.

Şimbä könne Antaliya Diplomatiya Forumında çıgış yasawçı Fidan: "İzrail üz qurqınıçsızlığı artınnan qumıy. İzrail tağın da küprak cir artınnan qua. Qurqınıçsızlıq Netanyaxu xökümäte tarafınnan tağın da küprak cirne basıp alu öçen sıltaw bularaq qullanıla," — dide.

Xaqan Fidan: "İzrail xalıqara mäydanda üz qurqınıçsızlığın yaqlıy digän täêsir qaldırdı, läkin ayıruça soñğı yıllarda... monıñ annan da küprak buluı bik açık," — dip belderde.

Fälästin cirlärennän Ğazzägä, Yordannıñ basıp alınğan Könbatış üzänlegenä, Könçıgış Qudüskä häm xäzer isä Livan belän Süriyägä taba monıñ töbäktä "alğa baruçı basıp alu häm cäyelü" buluın äytte.

Fidan: "Monıñ tuqtatılırğa tiyeşleğenä ışanam," — dide.

"İzrailneñ şunı belüe kiräk: töbäktä tınıçlıq êçendä yäşäwneñ berdänber yulı — başka illärneñ üz qurqınıçsızlıqlarına, cir bötenleklärenä häm ireklärenä iyä bulularına röxsät birü, bu illärgä qarşı köç qullanmaw," — dip östäde Törkiyä tışqı êşlär ministrı Xaqan Fidan.