AQŞ xärbi oçqıçı Ğıyraqta töşkän
"CENTCOM" ber oçqıçnıñ Ğiraq könbatışında töşüen, ikençeseneñ imin räweştä utıruın citkerde.
AQŞ armiäse belderüençä, Amerikanıñ “KC-135” oçqıçı Ğiraqnıñ könbatışında kilep töşkän; waqıyğağa qatnaşı bulğan ikençe oçqıç isä imin räweştä utırğan.
Yaqın Könçığıştağı Amerika köçläre öçen cawaplı bulğan AQŞ Üzäk komandirlığı (CENTCOM) belderü yasap bolay dide: "Oçqıçlarnıñ berse Ğiraq könbatışında töşte, ikençese imin räweştä utırdı. Bu xäl doşman utı yäki duslarça ut arqasında bulmadı."
“KC-135” — Küväyt östendä xata belän bärep töşerelgän öç “F-15” oçqıçınnan soñ İranğa qarşı suğış barışında töşkän dürtençe AQŞ xärbi oçqıçı buldı.
AQŞ Hawa köçläre mäğlümatları buyınça, 60 yıldan artıq qullanışta bulğan “KC-135”lärneñ ğädättä öç keşelek êkipajı bar: pilot, yärdämçe pilot häm başqa oçqıçlarğa yağulıq saluçı öçençe keşe.
Läkin Hawa köçläre beldergänçä qayber “KC-135” wazıyfaları öçen ber navigaśiya ofiśerı kiräk häm oçqıç 37 yulçı taşıy ala.
28nçe fevraldä başlanğan suğışnıñ berençe könnärendä, Küväyt köçläre xata belän öç Amerikan “F-15E” xärbi oçqıçın bärep töşergän ide. Läkin “CENTCOM” beldergänçä bu oçqıçlardğı altı êkipaj äğzasınıñ barısı da katapult yärdämendä isän qala alğan.
“CENTCOM” ul waqıtta bu waqıyğanıñ İran oçqıçları, ballistik raketalar häm keşesez apparatlar höcümnären dä kertep, däwam itkän bäreleşlär waqıtında barlıqqa kilüen belderde.