Dön’yadağı iñ zur ğaläm çarası oktyabr’ ayında Törkiyädä uzaçaq

Sänäğat’ häm texnologiya ministrı Mäxmät Fatix Qacır comğa könne yasağan belderüendä ağımdağı yılnıñ  5–9 oktyabr’ könnärendä Antaliyädä  dön’yadağı  iñ zur ğaläm çarası bulğan Xalıqara astronavtika kongressı uzaçağın belderde.

Qacır X platformasındağı belderüendä:
“Bez bu zur çarağa äzerlekne däwam itäbez. Ul küp il­lärdän ğalimnär, studentlar, iniśiatorlar, ğaläm şirkätläre häm ğaläm agentlıqları öçen oçraşu noqtası bulaçaq”,- dide.

Qacır ministrlıqta  bäyläneşle oyışmalar wäkilläre belän Kongress  başqarma  şurası utırışı ütkärülären äytte.

Ministr bolay dide:
“İlbaşı Räcäp Täyyip Ärdoğan citäkçelegendä ğamälgä aşırılğan Milli Ğaläm programması aşa bez ilebezneñ ğaläm fännäre häm texnologiyäläre ölkäsendäge üseşen dön’yağa iğ’lan itkän, kosmik tırışlıqlarnıñ keşelekneñ urtq kiläçägenä xezmät itüen täêmin itkän häm ilebezgä layıq çarağa üz imzabıznı quyaçaqbız”.  

Uzğan ayda Törkiyä Ğaläm agentlığı (TUA) başlığı Yosıf Qıraç älege çaranıñ kiläse yılda Törkiyädä 10 meñnän artıq ğaläm ölkäse belgeçen bergä oçraştıraçağın häm monıñ ilneñ ğaläm vizionı öçen tarixi borılış noqtası bulaçağın äytkän ide.

Qıraç ğalimnärne häm yäş’lärne kongressqa çaqırdı, moñıñ alarğa üz mäqalälären bastıru häm çarada qatnaşaçaq yuğarı däräcäle şirkät citäkçeläre belän tanışu mömkinlege biräçägen bilgeläp ütkän ide.