TRT belän bergä töşerelgän “Fälästin 36” filmı - Oskar isemlegendä
Film Fälästin tarixındağı ähämiyätle mizgelne - Angliya idaräseneñ Fälästin cirlären yähüd möhacirlärgä tapşıruın yaqtırta.
TRT belän bergä töşerelgän “Fälästin 36” filmı, Fälästinneñ Akademiya büläklärenä räsmi kandidatı bulıp, 98nçe Oskarnıñ “İñ yaxşı xalıqara ozın metrajlı film' nominatsiyäseneñ qısqa isemlegenä kerde. Bu — Fälästin kinemotoğrafiyäse häm töbäk öçen möhim uñış.
TRTneñ ğomum mödire Zahid Sobacı xäbärne “X”ta urtaqlaştı häm bolay dip yazdı: 'Kino köçe aşa Fälästinneñ tarixın yaqtırtuçı ber xikäyäne dönyaga citkerüebez belän ğorurlanabız”.
Fälästin rejissyerı Annemari Djasir töşergän “Fälästin 36” filmı, 1936 yılda Böyekbritaniya idaräsenä qarşı bulğan ğäräp fetnäsen yañadan kütärep çığa häm yäşägän cirlärennän çitläşterelüneñ berençe çorlarında Fälästin êşçeläre häm fetnäçelärneñ tormışların küzätä.
Britaniya–Livan prodüsserı Savsan Asfari tarafınnan êşlängän bu tarixıy drama kiñqırılı tikşerenülärgä häm arxiv materiallarına nigezlängän. Ul inde bügen Izrail tarafınnan basıp alınğan cirlärdä qayçandır bulğan Fälästin universitetların, institutların häm üskän cämğıyätlärneñ barlıgın kürsätä.
Asfari uzğan ayda birgän interv'yusında: “Bu Fälästinneñ keşesez cir tügel, cirsez keşelär öçen cir buluın kürsätä. Cirneñ keşeläre bar ide... läkin britaniyalılar monı kürmämeşkä salışırğa buldı” — dip äytte.
Film Toronto Xalıqara Film Festivalendä täqdim itelde, anda 20 minut ayağöste alqışlandı. Uzğan ayda ul Akademiya büläkläreneñ xalıqara ozın metrajlı film nominatsiyasına Fälästin kandidatı itep saylandı.
Filmda ingliz ofitserın uynawçı İrlandiyä aktyorı Liam Kanningêm: “Bu film britaniyalılar tudırğan tärtipsezlekne — başqa keşelärneñ tormışların bilgeläw öçen yasalğan täkäbber xatalarnı kürsätüçe möhim êş”,- dip äytte. Ul, şulay uq, tarixnıñ niçek itep Ğazzädäge genotsidqa häm Yordannıñ Könbatış üzänlegendä dawam itüçe cimerülärgä kiterüen açıp birüen belderde.
“Fälästin 36” - 98nçe Akademiya büläklärenä 86 il yäki töbäktän täqdim itelgän filmnar arasınnan “Xalıqara ozın metrajlı film” nominasiyasına saylanğan15 äsärneñ berse buldı.