İzrail tarafınnan xalıqara sularda qulğa alınğan Sumud flotı aktivistları utırğan oçqıç İzrailneñ Êylat qalasındağı Ramon aêroportınnan quzğaldı häm bügen İstanbulğa qaytıp citte.

“Törek hawa yulları” oçqıçı Törkiyä waqıtı belän 15 säğat’ 40 minutta İstanbulğa töşep utırdı.

“Anadolu” agentlığı beldergänçä, aktivistlar räsmi prośeduralar tämamlanğannan soñ köndezge säğat’lärdä Ramon aêroportında oçqıçqa utırdılar.

Oçqıçta 137 aktivist, şul isäptän 36 Törkiyä watandaşı, bar ide.

Törkiyä diplomatik çığanaqlarına qarağanda, oçqıçta AQŞ, Berläşkän Ğaräp Ämirlekläre, Aljir, Marokko, İtaliya, Kuveyt, Liviya, Malayziya, Mavritaniya, Şveyśariya, Tunis häm Yordaniya aktivistları da bulğan.