Ärdoğan Bötendönya sälamätlek saqlaw oyışmasınıñ Awrupa bülägen aldı

Törkiyä ilbaşı Räcäp Tayyip Ärdoğanğa fälästinlelärgä qarata gumanitär yärdäm tırışlıqları häm Ğazzädän däwalanu maqsatı belän êvakuaŝiyalärne qulaylaştırudağı role öçen Änkarada oyıştırılğan 11nçe Törki dönya mediŝina qorıltayında Bötendönya sälamätlek saqlaw oyışmasınıñ Awrupa büläge birelde.

Büläkne oyışmanıñ Awrupa mödire Xans Klyuge tapşırdı.

Çarada çığış yasağan Ärdoğan xalıqara cämäğatelekneñ Ğazzädä xastaxanälär bombalanğan waqıtta awırular, sälamätlek saqlaw xezmätkärlären, xätta sabıylarnı üterü tınlığın tänqıytläde.

İlbaşı Törkiyaneñ soñğı 23 yılda sälamätlek saqlaw sistemasın üzgärtüen häm xäzerge waqıtta 86 million keşegä 1 million 470 meñnän artıq sälamätlek saqlaw belgeçe bulğan yuğarı sıyfatlı häm uñaylı xezmät kürsätüen äytte.

Törkiyä liderı keşelek ber tormışnı saqlap qaluğa bergäläp söyengän, tuğan bäbi şatlığın üz şatlığı itep kürgän waqıtta dönyanıñ cännätkä äylänäçägen citkerde.

“Bez monıñ öçen tırışabız,” – dide ul.

İnnovaŝion häm realistik tırışlıqlar

İlbaşı äytüençä 2002 yıldan birle sälamätlek saqlaw tarmağındağı êş köçe 288%ka arttı. Soñğı yıl yarımda 100 meñ yaña personal êşkä alındı.

Däwlät xastaxanäläreneñ 80%ı yañartıldı yäisä qabat tözelde. 794 yaña xastaxanä awırular öçen urın sanın 173 meñgä citkerde.

Ärdoğan cirteträwdä zıyan kürgän vilayätlärdäge qabat tözekländerü barışınıñ da däwam itüenä basım yasap, 5100dän artıq urınlı 109 sälamätlek saqlaw qorılmasınıñ tämamlanuın häm 11 vilayättä sıydırışlılıqnıñ 23 meñ 733tän 27 meñ 503kä kütärelüen äytte.