İzrail cimerep taşlağan Ğazzäneñ Xan-Yunıs şähärendä kümäk tuy görläde.

Tradiśion Fälästin motivları töşerelgän kiyemnär kigän käläşlär bulaçaq tormış iptäşläre yanında cimerelgän binalar arasınnan uzdı.

2 yıllıq cimergeç genośidtan soñ qamaw astındağı töbäktä siräk oçrawçı küreneş bu.

Eman Xäsän Lavva häm Xikmät Lavva öyläneşkän 54 par arasında ide.

“Barnärsägä qaramastan yaña tormış başlatabız. Allaxı Täğaläneñ räxmäte belän bu suğış betäçäk,” – dide Lavva.

Fälästin mädäniyäteneñ möhim öleşe bulğan tuylar İzrail höcümnäre arqasında Ğazzädä könnän-kön siräk oçrıy başladı. Utnı tuqtatu kileşüe belän bu yola äkrenläp canlandı läkin êlekkege qotlawlar yuq.

Ğazzädä däwam itüçe krizis qotlawlarğa külägä töşerde. Ğazzäneñ 2 millionlık xalıq sanınıñ zur öleşe İzrail höcümnäre näticäsendä yortsız qaldı. Şähär cir belän tigezläşte. Yärdämneñ citmäwe köndälek tormışqa nıq täêsir itä.

“Başqa keşelär kebek bäxetle bulırğa telibez. Êlektän öyem, êşem buluın teli idem, xäzer çatır turında xıyallanam. Tormış äkrenläp caylana başladı läkin bez kötkänçä tügel,” – dide Xikmät.

Tuynı “El Fares El Şahim” finansladı. Agentlık yäş parlarnı şulay uq aqça häm törle ixtıyac materialları belän dä täêmin itte.

Tuydan berniçä räsem: