Rubio: Knessetnıñ Fälästin cirlären annekśiyäläw omtılışı Ğazzä kileşüenä yanıy
Rubionıñ belderüläre AQŞ däwlät departamentınıñ pänceşämbe könne İzrailgä säfär yasap Ğazzä kileşüen saqlarğa yärdäm itäçägen citkerüennän soñ yasaldı.
AQŞ däwlät särqatibe Marko Rubio İzrail parlamentı Knessetınıñ Yordannıñ basıp alınğan Könbatış üzänlegen anneksiyäläwgä omtılışınıñ ilbaşı Donald Trampnıñ Ğazzä suğışın beterü planına yanıy aluın belderde.
Rubio çärşämbe könne İzrailgä kitär aldınnan jurnalistlarğa: “Minemçä, ilbaşı bu mäsälädä bezneñ xäzerge waqıtta yaqlaw kürsätä almawıbızğa şiklänmi,” - dide . Ul anneksiyäne “tınıçlıq kileşüenä yanawçı” häm “kire näticä birüçe” adım dip atadı.
Moñarçı AQŞ däwlät departamentı Tramp idaräseneñ Ğazzädä tınıçlıq kileşüen saqlap qalu öçen tırışlıqların ike tapqır arttıruın häm Rubionıñ pänceşämbe könne İzrailgä säfär yasayaçağın citkerde.
“Rubio ilbaşı (Donald) Trampnıñ Ğazzä konfliktın tögälläw öçen külämle planınıñ uñışlı räweştä tormışqa aşırıluına yärdäm itäçäk, dip belderde AQŞ däwlät departamentı.
Rubionıñ säfäre AQŞ ilbaşı urınbasarı JD Vênsnıñ İzrail däwlät başlığı belän oçraşıp Ğazzä tınıçlıq kileşüe turında söyläşülär ütkärüennän soñ bula.