Guterreş İzrailneñ Livandağı höcümnären ğayepläde

BMO ğomum särqätibe Antoniu Guterreş tınıç xalıq arasında qorbannar sanı artuı häm regional' tınıçlıq tırışlıqlarına qurqınıç yanawı turında kisätte häm İzrailneñ Livandağı höcümnären qırıs räweştä gäyepläde.

Çärşämbe könne yasağan belderüendä Guterreş 8 apreldäge höcümnärneñ balalarnı da kertep yözlägän ğayepsez keşeneñ üterelüenä häm yaralanuına kiterüen, şulay uq grajdanlıq infrastrukturasına zur zıyan saluın belderde.

Tınıç xalıq arasında qorbannar sanınıñ artuına borçıluın citkergän ğomum särqätib keşelärneñ häläq buluın da gäyepläde.

BMO ğomum särqätibe Livan xökümäte häm xalqınıñ qayğısı belän urtaqlaştı, yaralanuçılarnıñ tizräk sawığuın teläde.

Belderüdä şulay uq tübändäge yullar urın ala: "İran belän Amerika Quşma Ştatları arasında utnı tuqtatu iğlan itelü belän bergä Livanda däwam itüçe xärbi êşçänleklär utnı tuqtatu kileşüenä häm töbäktä daimi häm tulı tınıçlıq urnaştıru tırışlıqlarına citdi qurqınıç tudıra. Ğomum särqätip barlıq taraflarnı doşmanlıqnı şunduq tuqtatırğa çaqıra.”