Pentagon İran suğışı arqasında Ukrainağa cibärgän xärbi yärdämne Yaqın Könçığışqa yünältergä uylıy
Qorallar arasında uzğan yıl başlanğan NATO iniśiativası qısalarında satıp alınğan hawa saqlanu raketaları da bar.
“The Washington Post”nıñ bu mäs’älä belän tanış 3 keşegä sıltama belän yazğan xäbärenä qarağanda, Pentagon İran suğışı AQŞ armiyäseneñ iñ möhim suğış kiräk-yaraqları zapasların kimetü säbäple, başta Ukraina öçen bilgelängän qorallarnı Yaqın Könçığışqa yünältergäme -yuqmı mäs’äläsen qarıy.
Xäbärdä äytelgänçä, Ukrainadan yünälteläçäk qorallar arasında uzğan yıl partnyer illär Kiyev öçen AQŞ qoralların satıp alğan NATO programması aşa täemin itelgän hawa saqlanu raketaları da bar.
Pentagon älegä suğış kiräk – yaraqları häm xärbi texnikanı başqa yünäleşkä cibärü turında soñğı qarar qabul itmäde, läkin belgeçlär bu üzgäreşneñ İranğa qarşı suğışnı däwam itü öçen kiräkle buluın belderä.
Tramp citäkçelege Pentagonnıñ Ukrainaga turıdan-turı xärbi yärdämeneñ küp öleşen tuqtattı; şuña kürä bulğan resurslarnı başqa yünäleşkä küçerü Ukrainanıñ suğış kiräk -yaraqların çikläyäçäk.
Pentagon belderüendä saqlanu ministrlığı AQŞ köçlären häm berlektäşlären suğışu häm ciñü öçen kiräkle äyberlär belän taêmin itäçäk diyelä.
AQŞtan räsmi zat süzlärenä qarağanda, xäzerge waqıtta Kiyevqa xärbi yärdämneñ küp öleşen Awrupa illäre täemin itä häm NATO programması aşa Ukrainaga yaqınça 4 milliard dollar wäğ’dä itelä; läkin Ukraina suğışına kiräk -yaraqlarnıñ daimi agımı bik möhim bulıp qala.
NATO programması belän tanış diplomatik räsmi zat isä bolay dide: “Alar çınnan da suğış kiräk -yaraqların bik tiz beterä, şuña kürä kileşü nigezendä täemin itülären küpme däwam itäçäkläre turında sorawlar bar” .