"İran suğışı Ukraina söyläşülärenä kirtä bulırğa tiyeş tügel"

Törkiyä ilbaşı Räcäp Tayyip Ärdoğan sişämbe könne Ukraina ilbaşı Volodimir Zelenskiy belän telefon aşa söyläşü ütkärde. Ärdoğan İran da quşılğan häm qızışa barğan bäreleşlärneñ Ukraina suğışın tuqtatu tırışlıqlarına külägä töşerergä tiyeş tügellegen belderde.

Törkiyä Cömhüriyäte êlemtä räislegeneñ açıqlawına kürä, ike lider oçraşuda ike yaqlı mönäsäbätlär belän ber rättän regional’ häm global’ täraqqıyätlärne qaradı.

Ärdoğan, Yaqın Könçığışta üsä barğan krizisnıñ Ukrainada tınıçlıq êzläw barışına kirtä bularğa tiyeş tügellegenä basım yasadı häm suğışnı tuqtatunı maqsat itep quyğan söyläşülärneñ kiçekterelmiçä däwam itärgä tiyeşlegen äytte.

Törkiyä liderı şulay uq bäreleşlär tämamlanğaç Ukrainanıñ yañadan tözekländerelüe häm il ixtıyacların qanäğätländerüneñ ähämiyätenä iğtibarnı cälep itte.

Ärdoğan, ilneñ yaraların beterü, yañadan tözekländerü êşlären başlatu häm ozın möddätle iminlekne tä’min itüneñ regional’ totrıqlılıq cähatennän möhim bulaçağın äytte.

Ärdoğan şulay uq Qara diñgezdä diñgez iminlegeneñ strategik ähämiyätenä basım yasap, ênergiya asqorması häm port qorılmaların saqlawnıñ suğış tarafları arasında ışanıç tözügä yärdäm itä alaçağın belderde.

Bu möhim urınnarnı saqlayaçaq utnı tuqtatu kileşüeneñ ışanıçnı arttıruçı adım bulıp xezmät itä alaçağın häm kiñräk regional’ totrıqlılıqqa öleş kertä alaçağın söyläde.

Ärdoğan, Törkiyäneñ diplomatik tırışlıqlarnı ciñeläytü häm bu näticälärneñ garantiya astına alınuına yärdäm itü öçen kiräk bulğan härtörle yärdämne kürsätergä äzer buluın da citkerde.