Törkiyä berençe küpläp citeşterelgän “Altay” töp suğış tankların Törkiyä Qorallı Köçlärenä tapşıra
Tantanada Törkiyä ilbaşı Räcäp Täyyip Ärdoğan da qatnaşa
Törkiyä tulısınça üzeneñ milli saqlanu sänäğatenä küçü maqsatında zur adım bularaq, berençe küpläp citeşterelgän “Altay” töp suğış tankların sişämbe könne Törk Qorallı Köçlärenä tapşıra.
İlbaşı Räcäp Täyyip Ärdoğan Änqaranıñ Qahramankazan ilçäsendä uzaçaq “Altay” tankın tapşıru tantanasında qatnaşıp çığış yasaçak.
Bu çara şulay uq Törkiyäneñ iñ zur saqlanu sänäğate citeşterü ob’yektlarınnan berse bulğan BMC Änkara tank häm köbäle texnika citäşterü qorılmasın räsmi açunı da üz êçenä ala.
Törkiyäneñ Azatlıq suğışı çorında 5 nçe atlı korpus belän İzmirgä kergän komandir Faxrettin Altay Paşa isemen yörtüçe bu tank ilneñ zamança köbäle texnika flotınıñ töp nigeze bularaq qabul itelä.
Proyekt tulısınça törek injenerları tarafınnan êşlängän häm xäzer inde küpläp citeşterü êtabına küçkän.
Yaña BMC citeşterü kampusı Törkiyäneñ aviaśiya häm saqlanu sänäğatenä maxsus industrial’ töbägendä urnaşıp 840 meñ kvadrat metr mäydannı üz êçenä ala.
5 yılda 250 tank
Törkiyä saqlanu ministrlığı mäğ’lümatına qarağanda, 2026 yılda T1 konfiguraśiyäsendä 11 “Altay” tankı tapşırılaçaq.
Annan soñ 2027 yılda tağın 41, ä 2028 yılda 30 tank tapşırılıp, barlığı 85 tank citeştereläçäk.
Törkiyä 2028 yıldan başlap cirle bularaq êşläp çığarılğan “Batu” dvigatele belän cihazlandırılğan häm yaxşırtılğan T2 variantın citeşterügä kereşäçäk, bu êtapta tağın 165 tank yasalaçaq.
Şulay itep, 5 yıl êçendä barlığı 250 “Altay” tankı citeştereläçäk.
“Altay” programması Törkiyäneñ iñ möhim milli xärbi proyektlarınnan berse bulıp, tiz üzgärüçe regional’ iminlek şartlarında çitkä bäylelekne kimetüne häm milli saqlanu säläten arttırunı maqsat itep quya.