Ğaräp illäre Könbatışnıñ Fälästinne tanuınnan qanäğat
Fälästinneñ tanıluı İzrailne yarsulandıra, Netanyaxu Fälästin däwläteneñ qorılmayaçağın äytte.
Ğaräp illäre häm oyışmaları Fälästin däwläteneñ Böyekbritaniya, Kanada, Awstraliya häm Portugaliya belän Könbatış illäre tarafınnan räsmi bularaq tanıluınnan qanäğat buluların citkerde.
Soğud Ğaräbstanı yäkşämbe könne belderü yasap, bu dus illärneñ tınıçlıq urnaştırunı xuplaw häm ike däwlätle çişeleşkä tayanuçı legal BMO qararları nigezendä alğarış mäs’äläsendäge samimi yöklämälären raslawın äytte.
Kuveyt tışqı êşlär ministrlığı tarafınnan yasalğan belderüdä tanunıñ töbäktä tınıçlıq urnaştıru ixtimalın arttıruğa häm ike däwlätle çişeleşkä qarağan xalıqara tırışlıqlarğa öleş kertäçäge assızıqlandı.
Ministrlık töbäktäge iminlek, totrıqlılıq häm mullıqnıñ däwamı öçen qalğan barlıq illärneñ oxşaş adım yasawı kiräklegenä basım yasadı.
Oman da ike däwlätle çişeleş häm regional iminlek häm tınıçlıq mäs’äläsendä bik möhim täraqqıyät buluın äytep, belderülärne qanäğatlelek belän qarşı aldı.
Yordaniya patşalıq mäxkämäsennän yasalğan belderügä kürä Yordaniya patşası Abdullah II Awstraliya premyer-ministrı Êntoni Albaniz belän Nyu-Yorkta ütkärgän söyläşüdä Awstraliyaneñ Fälästin däwläten tanu qararın maqtadı.
Şulay uq Farsı qultığı illäre xezmättäşlek şurası da belderülärne ğadellek häm xalıqara legallekkä ireşü yulında möhim tarixi täraqqıyät dip atadı.
BMOğa äğza bulğan däwlätlärneñ yaqınça dürttän öç öleşe Fälästinne tanıy.