İzrail oppoziśiya liderı Yair Lapid çärşämbe könne waqıtlıça AQŞ–İran utnı tuqtatuın xuplağan öçen Netanyaxunı kisken tänqitläde, monı säyäsi häm strategik uñışsızlıq dip bäyäläde.

Lapid X platformasında yasağan belderüendä: “Bez tarixıbızda mondıy zur säyäsi hälakät kürmädek. Milli iminlegebezneñ asılına qağılışlı qararlar qabul itelgändä İzrail anda yuq ide”,- dip yazdı.

Lapid Netanyaxunıñ täkäbbärlege, iğtibarsızlığı häm strategik planlanlaştıru bulmawı näticäsendä kilep çıqqan zıyannı tözätü öçen yıllar kiräk bulırğa mömkin dip belderde.  Şulay uq ul armiya  häm xalı” üz burıçların ütäde, ämma xökümätneñ maqsatlarına ireşä almawın assızıqladı.

Lapid tağın bolay dip östäde: “Armiya üzennän soralğan bar närsäne êşläde, xalıq ğädättän tış qarşılıq kürsätte, ämma Netan’yaxu säyäsi häm strategik yaqtan uñışsız buldı häm üz aldına quyğan maqsatlarnıñ bersenä dä ireşä almadı”.

 Bu süzlär Netanyaxu ofisı İzrailneñ AQŞ ilbaşı Donald Trampnıñ İranğa qarşı xärbi höcümnärne ike atnağa tuqtatıp toru qararın xuplağannan soñ äytelde.

Netanyaxu ofisı ike atnalıq utnı tuqtatunıñ Livannı üz êçenä almawın belderde.

Tramp sişämbe könne İranğa qarşı bombalawnı häm höcümnärne ike atnağa tuqtatıp toru turında kileşülären beldergän ide.