Franśiya ministrlığına kiber höcüm bulğan
Franśuz ministrı distälägän yäşeren dosyenıñ açıluın citkerde
Räsmi zatlar beldergänçä ministrlık sistemasına oyıştırılğan kiber höcüm kitergän zıyan küläme äle dä bäyälänä. Qurqınıçsızlıq çaraları köçäytelä.
Franśiyaneñ êçke êşlär ministrı uzğan atnada ministrlıkka oyıştırılğan kiber höcümdä sanaq yulbasarlarınıñ distälägän yäşeren dosyeğa ireşüen äytte. Yulbasarlar iminlek köçläre mäğlümatlarına ireşkän.
“Franceinfo” agentlığına belderü yasağan ministr: “Cinayät mäğlümatların êşkärtü sisteması häm êzlänüçelär dosyesı - bezneñ öçen möhim dosyelar,” - dide.
Waqıyğanı citdi dip atağan ministr tikşerüneñ däwam itüen citkerde.
Êçke êşlär ministrlığı höcümneñ 11-12 dekabr tönendä buluın, professional êlektron poçta xezmätlärenä ütep kerülären rasladı.
Franśuz räsmi zatları yulbasarlarnıñ şäxes tanıqlığın, mäğlümatlarnıñ urtaqlaşılıp, urtaqlaşılmawın açıqlamadı.