Münxen iminlek konferenśiyase başlığı Volfgang İşinger artıp baruçı global bilgesezlek moxitında Awrupa qıytasınıñ iminlek sistemasın nıgıtu öçen tağın da konkret plannar tözergä çaqırdı. Ul Awrupa liderların saqlanu mäs’äläsendä süzdän konkret êşkä küçärgä öndäde.
Öç könlek cıyılışnıñ yomğaqlaw çıgışında İşinger bolay dip belderde: "Awrupalılar saqlanu öçen adım yasıy häm illär iminlek yögeneñ zurraq öleşen üz öslärenä alırga äzer. Läkin çığışlar ğına citmi. Xäzer bezgä plan häm êşkä kereşü kiräk."
Volfgang İşinger şulay uq Awrupa Berlege illären saqlanu produkśiyasen arttırırga häm kollektiv iminlek mexanizmnarın nıgıtu yulların açıqlarğa çaqırdı.
Söyläşülärneñ şulay uq xalıqara tärtipneñ xäle mäs’äläsendä tirän bülenülärne barlıqqa kiterüen beldergän İşinger, Könbatış illäreneñ haman da ber ük qimmätlärne urtaqlaşıp, ber ük qaidälärgä kürä xäräkät itep itmäwe mäs’äläsendä şöbhäläre buluın äytte.
"Konferenśiya başında xalıqara sistemabıznıñ cimerelü barışında buluın belderüçe Münxen iminlek xisabına sıltama yasadım,” – digän başlıq qayber liderlarnıñ sistemanıñ tözätep bulmaslıq däräcädä cimerelgän dip äytüen, qalğannarınıñ sistemanı yañartu häm torgızu öçen çaqıru yasawın citkerde.
Ukraina mäs’äläsenä dä tuqtalgan İşinger bu ilgä kübräk qoral, ayıruça hawa saqlanu sistemaların cibärergä häm Rusiyägä qarşı qatıraq sankśiälärne koordinaśiälärgä çaqırdı.
Münxen iminlek konferenśiyase başlığı tüandägeçä däwam itte: "Bu sugışnıñ niçek tämamlanuı mäs’äläse — çınlıqta Awrupa öçen bik möhim mäs’älä. Bu xäl qıytanıñ kiläçägen törle yaqlap bilgeläyäçäk. Berlektäşlär häm partnyerlar bularaq berdäm bulırbız häm Ukrainanıñ ciñüen tä’min itü öçen bergä êş başqaruda täwäkkäl bulırbız dip ömetlänäm."
