İtaliya-İzrail matçınnan alda poliśiya Fälästin yaqlı aktivistlarğa qarşılıq kürsätte

Italiyäneñ İzrail belän 2026 yılğı Dönya Kubogına saylap alu matçı aldınnan qayber Fälästin yaqlı demonstrantlar belän politsiyä arasında bäreleşlär buldı. Şul uq waqıtta, matç uza torğan Udine şähärendä meñlägän keşe tınıç räweştä protest çarası ütkärde.

Ğazzä töbägendä utnı tuqtatu kileşüe häm İzrail belän “Xamas” arasında totqınnarnı almaşu turında kileşü buluğa qaramastan, yaqınça 10,000 keşe bu protestqa quşıldı, .

Politsiyä çaranı su sipterep häm küz yäşen çığaruçı gaz belän taratırğa tırıştı.

Wäqalätlelär töbäkkä 1,000nän artıq politsiyä xezmätkäre häm armiyä personalın cälep itte, şulay uq, boralaqlar häm dronnar belän küzätte.

Demonstrantlarnı İtaliya beln İzrail cıyılma komandaları oçraşa torğan “Bluenergy stadionı”nnan berniçä çaqrım yıraqlıqta tottılar. İtalyannar 3-0 isäbe belän ciñügä ireşte.

İtaliyä komandasınıñ baş trenerı Jennaro Gattuzo matçtan soñ jurnalistlarğa: “Monı yäşerüneñ mäğnäse yuq. Bügen bezneñ öçen dä, sezneñ öçen dä ciñel kön tügel ide. Bu matçnı uynamaw mömkinlege turında küp tapqır uyladıq. Monda kilgändä, bäyräm atmosferası bulmayaçağın belep kildek,” – dip belderde .

İzrailne çitläşterü taläpläre

Stadion tiräsenä, tärtipsezleklärne buldırmas öçen, politsiyä kontrol noqtaları, beton kirtälär häm metall detektorlar urnaştırıldı.

Protest çarası tınıç räweştä “Fälästinne azat itärgä!” digän şiğarlär häm “İzrailgä qızıl karta kürsätergä!” digän plakatlar belän başlandı, ämma soñınnan bäreleşlär belän tämamlandı.

Demonstrantlar, 2022 yılda Ukraina suğışı başlanğannan soñ Rusiyägä qarata qabul itelgän çaralar kebek, FIFAdan İzrailne xalıqara yarışlardan çığarunı taläp itte.