Avstraliyädä qorallı höcüm: kim digändä 3 keşe hälaq bulğan, 1 keşe yaralanğan
Poliśiya höcümçeneñ qaçuın belderä.
Avstraliya poliśiyäse pänceşämbe könne Yaña Kön’yaq Uêl’s ştatında oyıştırılğan höcümdä, berençe mäğl’ümatlarğa qarağanda, 3 keşeneñ hälaq buluın, 1 keşeneñ yaralanuın citkerde.
Yaña Kön’yaq Uêl’s poliśiyäse Leyk-Kardjelligo töbägendä 3 keşe ülgän qorallı höcüm turındağı xäbärdän soñ tikşerü başlatıluın belderde.
Atış turındağı xäbärlär kilgännän soñ yaqınça 1500 keşe yäşägän Kardjeliggo qasabasındağı ber adresqa aşığıç yärdäm törkemnäre cibärelä.
Poliśiya mäğ’lümatlarına qarağanda, 2 xatın-qız häm 1 ir-at waqıyğa urınında hälaq bula, ä ber ir-at awır, läkin totrıqlı xäldä xastaxanägä ozatıla.
“ABC News” xäbär itüençä, höcümçe äle dä irektä.
Poliśiya höcümneñ säbäbe turında älegä belderü yasamağan.
Poliśiya belderüendä: “Xalıqtan töbäktän yıraq toruları sorala, cirle xalıqqa öylärendä qalırğa kiñäş itelä. Waqıyğa urını qamalıp alındı häm waqıyğa şartların tikşerü başlandı”,-diyelä.