Nigeriyädäge katolik mäktäbennän urlanğan 300dän artıq uquçınıñ 50se qaça alğan
Nigeriya xristiannar berlege başlığı: “Uquçılar comğa häm şimbä könnärendä qaçtı”
Nigeriya xristiannar berlege (CAN) ütkän atnada Nigeriyädäge katolik mäktäbennän urlanğan 300dän artıq uquçıdan 50seneñ qaçuğa ireşüen xäbär itte.
Berlek başlığı Bulus Yoxanna, yäkşämbe könne yasağan belderüendä, uquçılarnıñ comğadan şimbäga qarşı töndä qaçıp kitülären häm qabat ğailälarenä qawışuın äytte.
Yoxanna süzlärençä, aralarında 12 mäktäp xezmätkäre bulğan 250dän artıq keşe haman da urlawçılar qulında.
Qorallı keşelär comğa könne ilneñ tön’yaq-könbatışındağı töbägendäge mäktäptän uquçılar belän uqıtuçılarnı urladılar.
Oxşaş waqıyğalar yış qabatlanğan Nigeriyädäge bu soñğı urlaw xökümätne bu atnada 47 mäktäpne yabarğa mäcbür itte.
Papa Leo yäkşämbe könne urlanğan balalar häm xezmätkärlärne tiz arada irekkä cibärüne taläp itte.
Bu waqiğa töbäktä terkälgän iñ naçar küpläp urlawlarnıñ berse dip bäyälänä.
Bu küpläp urlaw AQŞ ilbaşı Donal’d Trampnıñ Nigeriyädä xristiannar zolımğa duçar buluı turındağı däğ’wälärınnan soñ küp tä ütmi buldı.
Nigeriya xökümäte älege däğ’walarnı çınbarlıqnı bozıp kürsätü dip kire qaqtı häm terrorçılarnıñ möselmannarğa da, xristiannarğa da höcüm itüen beldergän ide.