İzrail saqlanu ministrı Ğazzädäge genotsidnı qabat başlaw belän yanadı

İzrailneñ saqlanu ministrı, “Xamas” Ğazzädäge utnı tuqtatu kileşüen ütämäsä, genotsidnı yañartu belän yanadı häm xärbilärgä "Fälästin qarşılıq törkemen yuq itü planın" äzerlärgä kürsätmä birüen belderde.

İsrail Kats ofisı çärşämbe könne: "Ägär “Xamas” kileşüne ütämäsä, İzrail AQŞ belän kileşep, suğışnı yañartır häm “Xamas”nı tulısınça ciñü, Ğazzädäge xälne üzgärtü häm suğış maqsatlarına ireşü öçen axırğa qadär barır"-dip belderde.

Kats, şulay uq, AQŞ citäkçelegendäge xalıqara köç belän bergä Ğazzädäge tunnel'larnı yuq itü östendä êşläyäçägen äytte, alarnı yuq itüne töp xärbi maqsat dip atadı.

Bu belderü “Xamas”nıñ qorallı qanatı – “Kassam brigadaları” ike İzrail totqınınnıñ qalğan qaldıqların tapşırğannan soñ yasaldı. Alar İzrail hawa höcümnäre waqıtında üterelgän ide.

Törkem qalğan mäyetlärne tabunıñ "zur tırışlıq häm maxsus cihazlar" taläp itäçägen äytte, häm bu mäsäläne tulısınça yabırğa omtıluların belderde.

‘Ber mizgeldä barısı da qabat başlanırğa mömkin’

İke yaqnıñ da AQŞ, Qatar, Törkiyä häm Misır aradaşçılığı belän ireşelgän utnı tuqtatu kileşüen saqlarğa tırışuları kürenä.

Vaşingtonda AQŞ ilbaşı Donald Tramp ta, ägär “Xamas” kileşü şartların ütämäsä, İzrailneñ Ğazzädäge genotsidnı "ber mizgeldä" yañarta alaçağı turında kisätte.

"İzrail, ägär teläsä, ike yıllıq suğış waqıtında “Xamas”nı yuq itä ala ide," dide Tramp häm üz administratsiyäseneñ kileşüneñ ütälüen yaqınnan küzätüen östäde.

Uzğan atnada ireşelgän utnı tuqtatu kileşüe, İzrail totqınnarın Fälästin totqınnarına almaşu häm İzrail köçläreneñ Ğazzädän äkrenläp çigenüen üz êçenä ala.

Şulay da, İzrail utnı tuqtatu waqıtında da fälästinlelärne üterüne däwam itte.

Kileşüneñ kiläse basqıçın täêmin itü häm Ğazzädäge genotsid suğışınıñ yañartuın buldırmas öçen aradaşçılar tırışlıqların däwam itä.