Törkiyäneñ xärbi oçqıçı qaldıqları ilgä qaytarıldı
Törkiyä hawa köçläreneñ C-130 törendäge oçqıçı 11nçe noyabrdä Azärbaycan belän Gruziyä çige tiräsendä kilep töşte, anda bulğan 20 xezmätkärneñ barısı da ülde.
Azärbaycan belän Gruziyä çige yanında kilep töşkän “C-130” xärbi yök oçqıçı öleşläreneñ küpçelege inde Törkiyägä küçerelde.
Uzğan atnada wäqıyğa bulğannan soñ uq tözelgän häm urınğa cibärelgän qaza tikşerü törkeme êşen däwam itä. Töbäktä tögäl tikşerenülär ütkärelgännan soñ oçqıç qaldıqları caylap maşinalarga quyıla. Alarnıñ küpçelege Törkiyägä kiterelde inde.
Qaldıqlar Milli saqlanu ministrlığınıñ Xärbi êşxanälär idaräsenä qarawçı Kayseri töbägendäge 2nçe aviatsiya qaraw-tözekländerü obyektında tikşereläçäk.
Şul uq waqıtta, oçqıçnıñ qara ärcäsen analizlaw başlandı. Urında tikşerenülär belän bergä qara ärcäne açu tämamlanğaç, waqıyğanıñ säbäpläre açıqlanılaçaq dip kötelä.
Törkiyä hawa köçläreneñ “C-130” oçqıcı 11 noyabrda Azärbaycan belän Gruziyä çige yanında kilep töşte. Anda bulğan 20 keşe dä häläk buldı.
Milli saqlanu ministrı Yaşar Gülär ilbaşı Räcäp Tayyip Ärdoğan citäkçelek itkän Kabinet utırışınnan soñ jurnalistlarga yasağan belderüendä oçış terkäw yazmaların çişü häm başlanğıç näticälärne alunıñ, kimendä, ike ayqa suzılaçağın äytte.
"Başlanğıç näticälärgä kürä, ämma bu töğäl tügel, qoyrıq öleşe berençe qupqan. Annan soñ ul öç öleşkä bülenä. Bolarnı qara sandıq açıqlayaçaq," — dip añlattı ministr.