“İzraildä waqıtta intekterdelär, çista sudan mäxrüm qaldım”
Bu xaqta Şveŝiyale aktivist Greta Tunberg citkerde
Greta totıqlarğa yanawların, keçkenä çitleklärgä quyuların häm çista suğa ireşä almawların äytte.
İzraille köçlär Ğazzägä yärdäm flotında bulğan häm totıq itep alınğannarnı intektergän.
Sişämbe könne Stokgolmda oyıştırılğan ber matbuğat oçraşuında çığış yasağan Tunberg üzeneñ häm qalğan totıqlarnıñ uzğan atnada “Sumud” flotınıñ qanunsız räweştä totqarlanuınnan soñ İzrail köçläre tarafınnan urlanuın häm ğazaplanuın äytte.
22 yäşlek Tunberg tübändägeçä däwam itte: “Üzem kürgännärne äytergä telämim, “Greta intekterelde” digän xäbärlär çıqmasın. Çönki asıl problema bu tügel. Bezneñ kürgännär bit Ğazzä xalqınıñ kürgännäre yanında çüp kenä.”
Tunberg totıqlarnıñ keçkenä çitleklärgä yabıluın häm mediŝina yärdamen sorağanda gaz birep üterü yanawların işetüen belderde.
“Tabib kilüen häm daru sorağaç 60 keşene keçkenä çitleklärgä yaptılar, bezne gaz belän üteräçäklären äyttelär,” – dide aktivist.
Şulay uq çista sunıñ bulmawın äytkän Greta pıçraq su êçep xasta buluların citkerde.
“Aldıbızğa su tutırılğan şeşälär ırğıttılar, çista su sorağaç ta köldelär,” – dide ul.
Tunberg Şveŝiya konsullığı räsmi zatlarının totıqlarnıñ şiqayätlären belüen läkin yaxşılap êşkä kereşmäwlären dä citkerde.
“Konsullık räsmi zatları bezneñ belän küreşkännän soñ alarğa: “Sez kitügä bezne qıynayaçaqlar,” – didem. Läkin alar barıber kitte,” – dip däwam itte Greta.
50 ildän 470tän artıq aktivist häm 40tan artıq köymä urın alğan “Sumud” flotı İzrailneñ Ğazzägä 18 yıllıq qamalışın beterergä tırışqanda İzrail flotı tarafınnan tuqtatılğan ide.