Ukraina dronı Rusiyäneñ Tuapse portına ülemle höcüm yasadı
Rusiyäneñ Tuapse portındağı transport asqormasınıñ dron höcüme näticäsendä zarar kürüe turında Rusiyä däwlät xäbär agentlığı citkerde.
Ukrainanıñ Qara diñgezdäge Tuapse portına qarata zur qolaçlı dron höcüme oyıştıruı yanğın kiterep çığardı häm, Rusiyä wäqalätleläre süzenä qarağanda, kimendä, ber keşeneñ ülemenä säbäpçe buldı.
Rusiyä däwlät xäbär agentlığı TASS düşämbe könne Tuapse portındagı transport asqormasınıñ dron höcüme arqasında zarar kürüe turında xäbär itte.
Rusiyäneñ könyäğındagı möhim portlarnıñ berse bulğan Tuapse, neft’ produktları êksportı öçen üzäk bulu belän berrattän kümer häm aşlama kebek qorı yöklärne dä qabul itä. Şulay uq, “Rosneft”neñ zur neft’ êşkärtü obyektı da şunda urnaşqan.
"Tuapse tağın ber zur dron höcümenä duçar buldı," — dip yazdı Krasnodar töbäge gubernatorı Veniamin Kondratyev “Telegram” kanalında. "Diñgez portında yanğın çıqtı" dide ul.
Kondratyev portta ber keşeneñ ülüen häm tağın berseneñ yaralanuın, dron qaldıqlarınıñ isä balalar baqçası häm mäktäptän аlıp, çirkäw häm toraq binağa qadär törle şähär obyektlarına zarar kiterüen belderde.
Rusiyä saqlanu ministrlığı tön däwamında 112 Ukraina dronınıñ yuq itelüen citkerde.