Awrupa şähärlärendä Fälästingä teläktäşlek çaraları uzdı
Şaqtıy Awrupa qalasında İzrail höcümnäreneñ tuqtatıluı taläbe belän çaralar oyıştırıldı
Awrupa buyınça küp sandağı şähärlärdä Fälästin xalqınıñ xoquqların yaqlawçı häm İzrail höcümnären tuqtatunı taläp itüçe teläktäşlek çaraları uzdı.
Fälästingä teläktäşlek kampaniyase “X” platformasındağı akkauntı aşa yasağan belderüendä, Londonda yartı millionnan artıq keşeneñ Fälästinne xuplaw öçen häm çiktän tış uñçılarğa qarşı berläşep yörüen citkerde. Atom-töş qoralsızlanu kampaniäse häm Suğışnı tuqtatu koaliśiäse kebek törkemnär dä qatnaşqan çarada protestçılar İzrailneñ Livanğa qarşı höcümnären häm AQŞ-İzrail İranğa qarşı alıp barğan suğışın tänqitläde. Aktivistlar "Fälästingä azatlıq", "İrannı bombalawnı tuqtatığız!" häm "İzrailgä qoral birmägez!” dip yazılğan plakatlar kütärde, şulay uq İslamofobiägä qarşı da şiğarlär qıçqırdı.
Şul uq waqıtta Franśiädä yaqınça 90 oyışmanıñ çaqıruı belän küp kenä töbäklärdä ber ük waqıtta çaralar ütkärelde.
Franśiädäge “Fälästingä teläktäşlek” cämğıyäte “X” aşa yasağan yullamasında: "Franśiäneñ här töbägendä Fälästin xalqınıñ üz yazmışın bilgeläw xoquqı häm qaçaqlarnıñ kire qaytu xoquqı, yawlaw, kolonializm häm rasaçılıq rejimınıñ tämamlanuı, İzrailgä sankśiälär qullanu, daimi utnı tuqtatu häm genośidne tuqtatu öçen çaralar ütkäräbez," — dip belderde.
Cämğıyät Parijda meñlägän keşeneñ cıyıluın açıqladı. "Ouest-France" gazetı xäbärenä kürä ilneñ könbatışındağı Anje şähärendä dä yaqınça 1000 keşe çara ütkärgän.
Şveśiä başqalası Stokgol'mda cıyılğan protestçılar törkeme bäysez Fälästin çaqıruı yasap, İzrail başqarğan genośidnı tuqtatunı taläp itte.
Venada isä Awstriä Fälästingä teläktäşlek platforması AQŞ-İzrailneñ İranğa yünältelgän höcümnäre säbäple "Sionist häm AQŞ agressivlığın tuqtatu" çaqıruı belän çara oyıştırdı.
Niderlandnıñ Gaaga şähärendä dä yözlägän keşe İran suğışın protest itü öçen cıyıldı. "NL Times" xäbärenä kürä, “Yaña tınıçlıq” xäräkäte tarafınnan oyıştırılğan çarada Niderland xökümätenä kiyerenkelekne kimetügä öleş kertü, İzrail häm AQŞqa höcümnärne şunduq tuqtatuları öçen basım yasaw çaqıruı yasaldı.