Volodimir Zelenskiy İstanbulda

Ukraina däwlät başlığı Volodimir Zelenskiy Törkiyä ilbaşı Räcäp Tayyip Ärdoğan belän iminlek söyläşülären ütkärü öçen İstanbulğa kilde.

Zelenskiy, oçraşu aldınnan şimbä könne uzaçaq söyläşülärdä keşelärneñ ğomeren saqlap qalu, totrıqlılıqnı nıqıtu häm Awrupa belän Yaqın Könçığışta iminlekne täêmin itüneñ qaralaçağın äytkän ide.

Bu säfär Törkiyä ilbaşı Ärdoğannıñ ber kön aldan Rusiyä liderı Vladimir Putin belän ütkärgän söyläşüennän soñ çınğa aştı. Putin Kiev citäkçelegen Rusiyä belän Törkiyä arasında suzılğan häm Awrupağa da gaz qudıruçı ütkärgeçne maqsat itep alırğa tırışuda gäyeplägän ide.

İstanbuldağı Dolmabahçe sarayı tiräsendä nıqlı iminlek çaraları kürelde. Älege sarayda monnan alda da Rusiyä häm Ukraina arasındağı söyläşülär uzdırılğan ide.