Rumıniya Franśiyäneñ “Mistral” hawa saqlanu sistemaların satıp alu öçen kileşü imzaladı
Rumıniya Awrupa berlegeneñ urtaq täêminatınıñ ber öleşe bularaq Franśiyädän 726 million dollardan artıq bäyädä 231 danä “Mistral MANPADS” häm 934 danä raketa satıp alaçaq.
Rumıniyä saqlanu ministrlığı Fransiyädän “Mistral” hawa saqlaw sistemaların 626 million yevrodan (726 million dollar) artıq bäyägä satıp alırga niyätläwen belderde. Bu berniçä başqa Awrupa Berlege däwläte belän urtaq satıp alu kileşüeneñ ber öleşe.
Ministrlıq sişämbe könne Fransiyä saqlanu ministrlığı belän 231 “Mistral” hawa saqlanu sisteması (MANPADS) häm 934 raketa, şulay uq, öyränü, simulyator häm logistika xezmätlären üz êçenä alğan kileşü imzaladı.
Belderüdä cihazlarnıñ qayçan tapşırılaçağı äytelmi. Rumıniyä qanun çığaruçıları satıp alu planın berençe tapqır 2022nçe yılda raslağan ide.
Dron waqıyğaları
Awrupa Berlege häm NATO äğzası Rumıniyä Ukraina belän 650 çaqrım ozınlığında çik buyı sızığına iyä. İlneñ hawa kiñlekläre, Rusiyä Dunay buyındağı Kiyev portlarına höcüm itä başlağannan birle, dronnar belän küp tapqırlar bozıldı häm şaqtıy sanda dron öleşläre anıñ territoriyäsenä töşte.
Rumıniyäneñ xäzerge hawa saqlanu köçlärenä “F-16” xärbi oçqıçları, “Patriot” sistemaları, “Lockheed Martin”neñ “HIMARS” reaktiv raketaları, Kön’yaq Koreyä citeştergän “Chiron” cirdän - hawağa raketaları häm Germaniyanıñ “Gepard” zenit tupları kerä.
Il, şulay uq,Awrupa Berlegeñ yaña saqlanu finanslaw mexanizmı qısalarında Ukraina belän bergä dronnar yasaw östendä xezmättäşlek urnaştırırga teli.
Rumıniyä, östämä räweştä, AQŞ täêmin itkän yaña “Merops” dronğa qarşı sistemasın urnaştıruñıñ axırğı êtaplarında, dip belderdelär Rumıniyä häm AQŞ saqlanu wäqalätleläre.