Köçle yawım-töşem arqasında Ğazzädä fälästinlelär yäşägän meñnärçä çatırnı su bastı.
Ğazzädä köçle yawım-töşem tañ atqançı başlandı.
Şahitlar äytüençä çärşämbe könne Ğazzädä yortsızlar yäşägän çatırlar su astında qaldı.
“Anadolu” agentlığı xäbärçese citkergänçä qayber çatırlarda su däräcäse 40 santimetrğa citte.
Grajdanlılarnı yaqlaw agentlığı süzçese Mäxmüt Basal xäzerge hawa şartlarınıñ gumanitar fäläkätkä äylänä alaçağı turında kisätte.
Ğazzädä yawım-töşemneñ comğa könenä qadär däwam itäçäge farazlana.
Süzçe Ğazzägä kerüçe yärdämnärneñ awır gumanitar krizis belän oçraşqan 2 million 400 meñ keşeneñ ixtıyacların qanäğatländerü öçen citmäwen äytep, aşığıç räweştä xalıqara yärdäm kürsätergä çaqırdı.
Sişämbe könne Ğazzä xökümäteneñ media ofisı yasağan kisätügä kürä çärşämbe könennän comğağa qadär polyar tübän basımlı sistema küreläçäk häm yöz meñlägän yortsız ğailägä täêsir itäçäk.
Media ofisınıñ monnan aldağı mäğlümatlarına kürä İzrail suğışınnan soñ fälästinlelärneñ töp ixtıyacların qanäğatländerü öçen Ğazzä yaqınça 300 meñ çatır häm cıyılma yortka moxtac.
Berlӓşkӓn Millӓtlӓr Oyışması farazlarına kürä genośidçı İzrail suğışı näticäse bularaq Ğazzäneñ qabat tözekländerelüe öçen 70 milliard dollar tiräse kiräk.
Älege suğışta 70 meñnän artıq fälästinle ülde, 171 meñnän artığı yaralandı.
