AQŞ ilbaşı Donal'd Tramp saylaw kampaniyäse qısalarında Alabama ştatına kitär aldınnan Aq Yort baqçasında jurnalistlarnıñ sorawlarına cawap birde.
Neft bäyäläreneñ yuğarı buluı turındağı sorawlarğa cawap birgän Tramp: “İran mäs'äläse xäl itelü belän, ä bu ozaqqa suzılmayaçaq, neft bäyäläre êlekke däräcäsenä, bälki tağın da tübänräk töşäçäk”, – dide.
Tramp Awrupa illäreneñ dizel yağulığı belän bäyle mäs'älägä öleş kertäçägen häm bu ölkädäge qıyınlıqnıñ betereläçägen äytte.
AQŞ ilbaşı: “Awrupada dizel küp, alar dönyağa zur öleş kertäçäk, bez dä şulay êşläyäçäkbez. Êksport tıyuı kertmäyäçäkbez”, – dide.
