Taciqstan belän Äfğanstan çigendä bulğan qorallı höcümdä Qıtay watandaşları da ülgän
Höcüm Taciqstannıñ Xatlon töbägendä Äfğanstannan kilgän granata taşuçı dron tarafınnan yasaldı.
Qıtaynıñ Taciqstan başqalası Duşanbedağı ilçelege comğa könne xäbär itkänçä, Äfganstan belän Taciqstan çigendä bulğan qorallı höcümdä öç Qıtay watandaşı üterelgän.
İlçelek çärşämbe könne bulğan waqıyğada tağın 1 watandaşınıñ yaralanuın da östäp, çik buyın êvakuatsiyälärgä çagırdı.
Höcümne kem başqaruı äytelmäde, läkin Qıtay Taciqstannı bu waqıyğanı tikşerergä çaqırdı.
Taciqstan tışqı êşlär ministrlığı pänceşämbe könne citkergän belderüdä ülüçelärneñ barısınıñ da höcümneñ nişanında bulğan “LLC Şahin SM” şirkätendä êşläwen äytte.
Açıqlanğança, höcüm Äfğanstannan başqarılgan häm monıñ öçen granatalar belän cihazlandırılğan keşesiz hawa apparatı qullanılğan.
Äfganstan tışqı êşlär ministrlığı belderüendä: "Bu waqıyğağa qatnaşqan törkem — töbäktä xaos, tärtipsezlek häm xäwef tudıru öçen tırışuçı törkem", — dide, qaysı oyışma turında süz baruın .
Kabul idäräse başlanğıç bäyäläw yasagannı häm Taciqstan belän tulısınça xezmättäşlek itäçäk, dip östäde.