Sumatradağı su basu fäläkätendä 442 keşe hälaq bulğan

İndoneziya Meteorologiya, klimatologiya häm geofizika agentlığı Sumatrada köçle su basular häm cir şuışular arqasında  qorbannar sanınıñ artuın, ilneñ küp öleşendä yañğırlarnıñ däwam itäçägen belderde.

“Kompas TV” beldergänçä, älege faraz agentlıq düşämbe könne törle töbäklärdä yawım-töşemneñ  artuın häm berniçä şähärdä ğadättän tış hawa torışı küzätelüen beldergännan dön’ya kürde.

İlneñ Milli afätlär belän idarä itü agentlığı yäkşämbe yasağan belderüendä Sumatrada däwam itkän su basular häm cir şuışular näticäsendä hälaq buluçılar sanınıñ 442gä citüen, 402 keşeneñ haman yuğalğan buluın citkerde.
Agentlıq äytüençä, zıyan kürgän töbäklärdä qotqaru törkemnäre yuğalğan keşelärne tabu öçen 6 kön däwamında êşçänlek başqara.

Mäğ’lümatlar  tabiği afatlärdä 646 keşeneñ yaralanuın, alarnıñ 1,1 million keşegä tiskäre yoğıntı yasawın, yözlärçä yortnıñ zıyan kürüen häm su basular säbäple 290 meñnän artıq keşeneñ yortların taşlap kitärgä mäcbür buluın kürsätä.

Zıyan kürgän küp kenä töbäkkä äle dä yul açıla almıy.

Êzläw törkemnäre yuğalğan keşelärne êzli, lakin naçar hawa torışı arqasında êşlär bik äkren bara.