Şimbä könne Süriyäneñ kön'yağındağı Süveyda vilayäte cirlegendä barlıqqa kilgän qorallı höcümdä dürt keşe hälak buldı. Räsmi zatlar waqıyğağa bäyle ber şöbhäle keşeneñ qulğa alınuın citkerde häm cirle xalıqnı sabır bulırğa, kiyerenkelekne arttırmasqa çaqırdı.

Süriyä êçke êşlär ministrlığı “Telegram”-kanalda yasağan belderüdä, Süveyda iminlek komandirı Hussam äl Tahhan tübändägelärne citkerde: "Süveyda cirlegendäge äl-Matuneh töbägendä bulğan faciğale waqıyğada cirle xalıqtan biş keşegä qarşı qurqınıç cinayät êşlände; näticädä dürt keşe hälaqq buldı, bişençe keşe awır yaralandı."

Berençel tikşerülär häm höcümdä isän qalğan keşeneñ kürsätmäläre näticäsendä, şöbhälelärdän ber keşeneñ töbäktäge Êçke iminlek idaräse xezmätkäre buluı açıklandı.

Süveyda iminlek komandirı Hussam äl Tahhan bu mäs'älädä tübändägelärne belderde: “Älege şäxes şunduq saq astına alındı häm qanuni çaralar kürü öçen tikşerügä tapşırıldı. Grajdanlılarğa qarşı bernindi xoquq bozu da qabul itelmäslek, xalıqnıñ iminlegenä qurqınıç tudıruçı bernindi ğamälgä dä tolerantlık kürsätep bulmıy."