AQŞnıñ Venesuêlağa operaŝiyase reakŝiya cıya
Bar dönya Venesuêladağı AQŞnıñ xärbi höcümnärenä rizasızlıq belderä häm diplomatiyağa çaqıra
AQŞ ilbaşı Donald Trampnıñ Venesuêladağı AQŞ höcümnäreneñ ilbaşı Nikolas Maduronıñ qulğa alınuı belän näticälänüen açıqlawınnan soñ dönyanıñ här poçmağınnan reakŝiyalär kilde.
Latin, Amerika, Awrupa häm Yaqın Könçığıştağı xökümätlär, suverenlıknı bozu, regional totrıqsızlıq ixtimalı häm tağın da kiñ qırlı konflikt riskı mäs’äläsendä borçuların citkerde.
Qayberläre ayıq aqıl belän êş itärgä çaqırdı, qayberäwlär diplomatik aradaşçılıqqa çaqıru yasadı.
Kiyerenkelek AQŞnıñ Maduronı narkobiznesta ğayepläwe belän başlandı, Maduro isä bu däğwanı kire qaqtı häm söyläşülärgä äzer buluın beldergän ide.
Kolumbiya däwlät başlığı Gustavo Petro AQŞ oyıştırğan hawadan höcümnärdän soñ çik buyına ğaskäri urnaştıruın açıqladı.
Dialogka çaqırğan sulçı lider AQŞ höcümnären ğayepläde. Läkin Maduronıñ qulğa töşerelüe xaqında belderü yasamadı.
Rusiyä da Venesuêladağı xärbi höcümnärne ğayepläde häm ideologik doşmanlıqnıñ diplomatiyane ciñüen assızıqadı.
Rusiyä tışqı êşlär ministrlığı yasağan belderüdä tübändäge yular urın ala: “Bügen irtän Amerika Quşma Ştatları Venesuêlağa qarşı qorallı höcüm oyıştırdı. Bu borçu tudıra häm ğayeplänä torğan ğamäl.”
Rusiyä Venesuêla xalqına teläktäşlegen qabatladı.
İran höcümne ilneñ suverenlığın häm cir bötenlegen açıqtan-açıq bozu dip atadı.
Belgiya tışqı êşlär ministrı AQŞ höcümnärennän soñ Bryussel citäkçelegeneñ Venesuêladağı wazğıyätne yaqınnan küzätüen häm töbäktäge watandaşları iminlegen östenlek itep kürülären belderde.
İtaliya premyer-ministrı Djordja Meloni şimbä könne belderü yasap, Venesuêladağı wazğıyätne yaqınnan küzätep baruların häm ildäge İtaliya watandaşları xaqında mäğlümat cıyarğa tırışuların äytte.
Kuba liderları da AQŞ höcümnärenä reakŝiya belderde.
İspaniya AQŞ belän Venesuêla arasındağı krizista aradaşçı bulırğa täqdim itte.