Törkiyä “Qanlı Raştua” üterüeneñ 62 yıllığı uñayınnan şähitlärne iskä ala
Küpläp üterü 1963 nçe yılda Kipr töreklärenä qarata başqarıla
Törkiyä yäkşämbe könne 1963 yılda Kipr Grek terror oyışması “EOKA” äğ’zaları tarafınnan başqarılğan “Qanlı Raştua” küpläp üterüe waqıtında hälaq bulğan Kipr töreklären isкä aldı.
Törkiyä tışqı êşlär ministrlığınıñ “NSosyal” platformasında urnaştırılğan belderüendä:”Bez greklarnıñ wäxşi höcümnärendä hälaq bulğan barlıq Kipr töreklären räxmät xise belän iskä alabız, ğazıylarıbızğa tirän räxmätebezne belderäbez”,- diyelde.
Belderüdä şulay uq Törkiyäneň Kiprnıñ milli däğ’wası yulında üz ğomerlären qorban itkän şähitlärneñ berqayçan da onıtmayaçağı assızıqlandı.
İlbaşı urınbasarı Yılmaz: “Tarixtağı sörtelmi torğan qara tap”
İlbaşı urınbasarı Cäwdät Yılmaz da qorbannarnı iskä alıp, “Qanlı Raştua”nı tarixtağı sörtelmi torğan qara tap dip bäyäläde.
Yılmaz “NSosyal”däge belderüendä älege qırğınnıñ “EOKA”nıñ Kipr töreklären yuq itü häm utrawnı basıp alu omtılışların simvollaştıruın, ämma bu omtılışnıñ Törkiyä belän iñgä -iñ torğan Kipr törek xalqınıñ qarşılıq kürsätüe arqasında uñışsızlıqqa oçrawın äytte. Küpläp üterüdä hälaq bulğannar belän berrättän Kipr törek liderı Fazıl Küçük häm nigez saluçı ilbaşı Rauf Raif Dänktaşnı da isкä alğan Yılmaz
“Törkiyä häm Tön’yaq Kipr Törek Cömhüriyäte mäñge iñgä-iñ toraçaq” dide.
Belderüdä bolay diyelde:
“Monnan 62 yıl êlek Kipr grek terror oyışması “EOKA” äğ’zaları Kipr törek xalqına qarata räximsez höcümnäreneñ başlanğıçı bulğan Qanlı Raştua üterüen başqardı.
Alar garant Törkiyäneñ nıqlı yärdäme, azatlıq häm suverenlıq öçen köräşkän Kipr törekläreneñ batırlığı arqasında üzläreneñ xain maqsatlarına ireşä almadılar”.
Qanlı Raştua
İskä alu tantanaları 1963 nçe yılnıñ 21 nçe dekabrendä “EOKA” suğışçıları utraw buylap Kipr töreklärenä qarşı koordinasiyälängän höcümnär başlatu belän tarixqa kerep qalğan häm “Qanlı Raştua” dip atlğan qanlı qırğınnıñ 62 yıllğın simvollaştıra.
Terrorçı “EOKA”ğa bäyle qorallı Kipr grek törkemnäre Akritas planın ğamälgä aşırırğa tırıştılar, bu plan ike cämğıyät’ arasındağı partnyerlıq bularaq tözelgän Kipr Cömhüriyäteneñ ike cämğıyät’le strukturasınnan Kipr töreklären mäcbüri çığarunı maqsat itep quydı.
1963 nçe yılnıñ 20-21 dekabr’ tönendä “EOKA” belän bäyläneşle grek bandaları Nikosiyädä höcümnär başlap distälägän Kipr töregen üterdelär häm cömhüriyätneñ köç büleşü strukturasın cimeräçäk kiñqırlı köç qullanu dulqının quzğattılar.