Belgiyadä êş taşlaw çarası hawa transportın tuqtattı
İldä xökümätneñ reforma täqdimnärenä rizasızlıq belderälär
Belgiyadä oyıştırılğan ğomum êş taşlaw çarası ike töp aêroporttağı reyslardan kübeseneñ tuqtawına, Bryusselda cämğıyät transportnıñ soñaruına kiterde.
Sişämbe könne çınğa aşqan çara xökümätneñ layıqlı yal aqçası häm êş köçe bazarı reformalarındağı täqdimnärenä qarşı bıyıl oyıştırılğan ber törkem protestnıñ soñğısı buldı.
Bryusseldağı Xalıqara aêroportınnan kütärelüe planlaştırılğan barlıq oçqıçlar häm töşep utıruı kötelgän oçqıçlarnıñ yaqınça yartısı ğamäldän çığarıldı.
Aêroportnıñ internet säxifäsendä urın alğan xäbärgä kürä ilneñ ikençe zur hawa mäydanı bulğan Şarlerua aêroportında isä barlıq reyslar tuqtatılğan.
Meñlägän keşe şähär üzägennän uzaçaq kiñ qırlı mitingta qatnaşır öçen başqalanıñ Gar-dyu-Nord poyezd stanŝiyasenä kilde.
Çara näticäsendä Bryusseldağı metro, avtobus häm tramvay liniyaläreneñ kübese tuqtap qaldı. Cämğıyät transportı operatorı STIB soŝial media platforması X akkauntında bu mäğlümatnı döres dip belderde.
Poliŝiya sişämbe irtänge sägätlärdä şähärdäge zur bulvarlarnıñ qayberlärendä ut törtülär arqasında transportnıñ tuqtawın belderde. Cirle media poliŝiyaneñ berniçä protestçını qulğa aluın citkerde.