Guterriş BMOnıñ Trampnıñ Ğazzä iniśiativası belän xezmättäşlek itüen äytte
BMO ğomum särqatibe Antonio Guterriş Donal’d Trampnıñ Gazzäne yañadan torğızuğa yärdäm itügä yünältelgän iniśiativasın xuplawın belderde.
“Politico” xäbärenä qarağanda, BMO ğomum särqatibe Antonio Guterriş Ğazzädä toraq yortlar häm infrastrukturanı torğızunı finanslawnı maqsat itep quyğan Tınıçlıq şurası iniśiativası qısalarında buldırılğan strukturalar belän aktiv xezmättäşlek itülären äytte.
Guterriş bu maqsatnıñ BMO İminlek şurası tarafınnan bilgelänüen häm raslanuın iskärtte.
Läkin ul älege strukturanıñ Ğazzäne tözekländerüdän tış kiñräk rol’ başqarırğa tiyeş tügellegen assızıqlap, xäzerge problemalarnı bu räweşle xäl itep bulmawın belderde.
Ul şulay uq xalıqara xoquqqa häm BMO Nizamı qıymmätlärenä tuğrı qalunıñ teläsä nindi tınıçlıq iniśiativası öçen töp nigez buluın äytte.
Antonio Guterriş şulay uq İrannıñ Ormuz buğazın yabuın tuqtatırğa çaqırdı häm BMOnıñ bu su yulın saqlawğa öleş kertä aluın häm kiyerenkelekne kimetü planınıñ ber öleşe bula aluın belderde.
Guterriş suğış başlanğannan birle Donal’d Tramp belän turıdan-turı söyläşmäwen, läkin citäkçelektäge başqa räsmi zatlar belän êlemtädä toruın äytte.