İzrail armiyäse Yordannıñ basıp alınğan Könbatış yarında fälästinle balanı üterde

Fälästin sälamätlek saqlaw ministrlığı beldergänçä, Yordannıñ basıp alınğan Könbatış yarında yasalğan höcümnärdä İzrail armiyası ber Fälästin yäşüsmeren ütergän häm dürt keşene yaralağan.

Waqıyğa Tubas şähäreneñ könyağında urnaşqan äl-Faria möhacirlär lagerında bula. 15 yäşlek balanı İzrail köçläre atıp üterä.

Räsmi xäbär agentlığı WAFA citkergänçä, lagerda mediklar ike keşene yädrä qıypılçıqlarınnan däwalağan. Tik aşığıç yärdämneñ öçençe yaralanğan yäşüsmer yanına baruı totqarlangan häm ul soñraq ülgän.

Agentlıq qorbannıñ isemeneñ Jadallah Jihad Jumaa Jadallah buluın açıqlağan.

Waqıyğanıñ şahitläre “Anadolu agentlığına” beldergänçä, İzrail köçläre lagerğa basıp kergän häm utlı qorallardan ata başlağan, bu isä küp keşeneñ yaralanuına kitergän.