Xaqan Fidan İranğa baraçaq
Törkiyä tışqı êşlär ministrı iminlek, säwdä häm regional mäs’älälärne quzğataçaq
Änkara citäkçelege säfärneñ instituŝional xezmättäşlekne nığıtuğa, säwdäneñ arttırıluına häm Ğazzädän alıp Qavqazğa qadär regional totrıqsızlıq mäs’älälärenä yünäläçägen äytä.
Diplomatik çığanaqlarğa kürä Törkiyä tışqı êşlär ministrı Xaqan Fidan 30 noyabr könne İran tışqı êşlär ministrı Abbas Arakçi häm qalğan yuğarı däräcäle räsmi zatlar belän ber törkem yuğarı däräcäle söyläşü ütkärü öçen İranğa baraçaq.
Söyläşülärdä Yuğarı däräcäle xezmättäşlek şurası qısasınıñ nığıtıluı qaralaçaq. Şuranıñ ozaqlamıy uzaçaq 9nçı cıyılışı belän bäyle xäzerleklär küzdä kiçereläçäk. İminlek belän terrorçılıqqa qarşı köräş xezmättäşlegen tiränäytü öçen urtaq tırışlıqlar söyläşeläçäk.
Ministr Fidan şulay uq ike ilneñ 30 milliard dolarlık ike yaqlı säwdä maqsatına ireşüe öçen yasalaçaq adımnarnı quzğataçaq.
Töbäk totrıqlılığı kön tärtibendä möhim urın alaçaq. Änkara Tähran citäkçelege belän Ğazzä, Süriyä, İzrailneñ töbäktäge ğamälläre häm İrannıñ atom-töş programmasına tınıç maqsatlı çişeleş tabu mäs’älälärendä dialognıñ ähämiyäten assızıqlayaçaq.
Söylaşülärdä şulay uq Rusiyä-Ukraina suğışı, Könyaq Qavqazdağı täraqqıyätlär häm Paqıstan belän Äfğanstan arasındağı kiyerenkelekne beterü tırışlıqları da qaralaçaq.
Yuğarı däräcäle xezmättäşlek şurası cıyılışınıñ soñğısı 2024 yılnıñ ğıynwarında uzğan ide.
İke yaqlı säwdä ağımağı yılnıñ oktäbrendä 6 milliard yarımğa citte.