Arakçi AQŞ belän yaña söyläşülärne kire qaqtı
İran tışqı êşlär ministrı ileneñ kiläçäktä AQŞ belän yaña söyläşülär alıp barmayaçağın äytte
İrannıñ iñ yuğarı däräcäle diplomatı Arakçi, soñğı xärbi höcümnärdän soñ Tähran citäkçelegeneñ AQŞ belän yañadan söyläşü östälenä qaytmayaçağın äytte.
Tähran citäkçelege, Vaşington belän diplomatik barışnıñ yañadan başlanu ixtimalın beterep, täraqqıyätlärne “açı xıyänät täcribäse” dip atadı.
Düşämbe könne “PBS News”ka birgän interv’yusında İran tışqı êşlär ministrı Abbas Arakçi, İrannıñ kiläçäktä AQŞ belän yaña söyläşülär alıp barmayaçağın äytte. Şunnan tış, yaña dini lider Müctäba Xamaneinıñ söyläşülärne yäki utnı tuqtatunı yaqlap-yaqlamayaçağı turında äytü öçen älegä irtä buluın belderde.
Arakçi iyun ayındağı bäreleşne xäterlätep, AQŞ häm İzrailneñ İrandağı atom-töş obyektlarğa höcümnäreneñ söyläşülär däwam itkän waqıtta buluın äytte. Diplomatiyä dävam itkändä xärbi xäräkätlär başqaru, yuğarı däräcäle dialog ixtimalın beterä dip belderde.