AQŞ strategik rezervınnan 172 million miçkä neftnı qullanılışqa çığaraçaq
AQŞ, İzrail belän berğä İranğa qarşı alıp barğan suğış arqasında kütärelgän neft bäyälären töşerü öçen, yaña adımnar yasıy
Tramp xökümäte strategik neft rezervınnan 172 million barel neft çığaraçağın belderde. Maksat — AQŞ belän İzrailneñ İranga qarşı suğışı näticäsendä kütärelgän neft bäyälären töşerü.
Ênergetika ministrı Kris Rayt çärşämbe könne bolay dip citkerde: 'Bügen irtän Xalıqara ênergetika agentlığınıñ 32 äğza däwläte, ilbaşı Trampnıñ ênergiyä bäyälären kimetü üteneçe nigezendä, koordinatsiyälängän räweştä üz zapaslarınnan 400 million barrel' çimal neft' häm êşkärtelgän produktlar çığaru turında bertawıştan kileşte'.
'Bu tırışlıq qısalarında, ilbaşı Tramp ênergetika ministrlığına kiläse atnadan başlap ilneñ Strategik neft' rezervınnan 172 million miçkä neft' çığarunı röxsät itte. Planlaştırılğan çığaru tizlegenä kürä, bu tapşıru yaqınça 120 kön däwam itäçäk'.
Rayt, şulay uq, Bayden idaräsen AQŞ ênergetika sektorın buşatuda häm zıyan kiterüdä ğayepläde.
Rayt AQŞnıñ kiläse yılda strategik neft' rezervların yaqınça 200 million barrel'gä tulılandırırğa planlaştıruın, monıñ alınğan külämnän 20%qa kübräk buluın belderde häm älege ğamälneñ salım tüläwçelärgä zıyan kitermäyäçägen assızıqladı.
Rayt İrannıñ AQŞnıñ ênergetika qurqınıçsızlığına 'manipulyatsiyä yasap yanawın' belderde häm: 'Bu könnär arttqa qala', - dip östäde.
İñ zur rezerv çığaru
Xalıqara ênergetika agentlığı äğza illärneñ AQŞ belän İzrailneñ İranğa qarşı suğışı arqasında kilep çıqqan täêmin itü özekleklären beterü öçen neft' zapasların irekkä çığaru turında qarar qabul itülären citkerde.
Agentlıq strategik rezervlardan 400 million barrel' neft' çığarılaçağın belderde. Bu oyışmanıñ 50 yıldan artıq tarixında iñ zur koordinatsiyälängän çığaru bulaçaq.
AQŞ Awrupa, Tönyaq Amerika häm Tönyaq-Könçığış Aziyädän 30dan artıq iqtisad belän berrättän Xalıqara ênergetika agentlığı äğzası.
AQŞ xäzerge waqıtta strategik neft' rezervında yaqınça 415 million barrel' neft' tota, bu anıñ röxsät itelgän 714 million barrel' külämeneñ yaqınça 58%ın täşkil itä.