İzrail Fälästin cirlärendä yähüdlärneñ qabat qanunsız urnaşularına röxsät birde

İzrail finans ministrı Bezalel Smotriç basıp alınğan Könçıgış Qudüstä 3 600 toraq berämlegen üz êçenä aluçı yaña qanunsız yähud toraq punktın buldıru planın raslagan.

“Kanal 7” xäbär itkänçä, “Mişmar Yehuda” mäxälläse şähärneñ könçıgış öleşendä 835 gektar cirdä tözeläçäk.

Smotriç “X” platformasında bu toraq punktnıñ “Qudüsne könçıgıştan saqlaw öçen strategik baza” buluın häm İzrailneñ bu cirlärne kontrol astında totu säyäsäteneñ ber öleşe ikänlegen äytte.

Yaňa mäxällä xalıqara qanunnarğa qarşı kilä torğan bulsa da, Smotriç anıñ “distälärçä meñ toraq berämlege belän täêmin itäçägen” häm “Qudüsneñ könçıgış çigen nığıtaçağın” belderde.

Ul bu “tarixi” plannıñ İzrail suverenlıgın nığıtuğa häm Yordannıñ basıp alınğan Könbatış Üzänlegendä Fälästin däwlätеn tözettermäskä yärdäm itäçägenä ömetlänä.

İzrail kabinetı, şulay uq, 12 dekabr'dä Yordannıñ basıp alınğan Könbatış üzänlegendä tağın 19 qanunsız mäxällä buldırunı raslap, anneksiya çaraların kiñäytte.

İzrail xoquq oyışması 'Peace Now' yaqınça 500 000 qanunsız izraille kilep urnaşuçınıñ Yordannıñ basıp alınğan Könbatış üzänlegendäge, tağın 250 000gä yaqın keşeneñ Könçıgış Qudüstä tözelgän toraq punktlarda yäşäwen äytä.

Bu ğamällär Berläşkän Millätlär Oyışması qararlarında küzdä totılğan ike däwlätle çişeleş — yäğni İzrail häm Fälästin däwläte buldıru mömkinlegenä kirtä quya.

İzrail 1948 yılda Fälästin cirendä qorıldı häm soñınnan qalğan Fälästin territoriyälären basıp aldı. Şunnan soñğı İzrail xökümätläre çigenü häm başqalası Könçıgış Qudüs bulğan bäysez Fälästin däwlätен tözü täqdimen kire qaqtı.