Kön’yaq Afrikada barğa qorallı höcüm bulğan

Kön’yaq Afrika poliśiyäse şimbä könne yasağan belderüendä citkergänçä, Kön’yaq Afrikanıñ başqalası Pretoriya yaqınındağı bardа bulğan qorallı höcümdä kim digändä 11 keşe, şul isäptän 3 bala hälaq bulğan.

Kön’yaq Afrika poliśiya xezmäte belderüenä qarağanda, atış näticäsendä 14 keşe yaralanğan häm xastaxanägä ozatılğan.  

Qorallı höcüm şimbä irtäsendä Pretoriyanıñ könbatışında urnaşqan Solsvill qasabasında liśenziyäsez êşlägän barda bulğan.

Hälaq bulğan balalar arasında 3 yäş’lek malay, 12 yäş’lek malay häm 16 yäş’lek qız bar.

 Poliśiya 3 şikle keşene êzläwlären belderde.

Kön’yaq Afrika - dön’yada iñ yuğarı üterü kürsätkeçlärenä iyä illärneñ berse.

2024 yılda ildä 26 meñnän artıq cinayät’ terkälgän, bu könenä urtaçaq 70 üterü digän süz.