İzrail AQŞnıñ İranğa xärbi operaśiyäse ixtimalı arqasında yuğarı äzerlek däräcäsendä

İzrail çığanaqları xäbär itkänçä, İranda xökümätkä qarşı protestlar däwam itkändä AQŞnıñ İranğa xärbi xäräkät ixtimalına qarşı İzrail yuğarı äzerlek xälendä.

AQŞ ilbaşı Donal'd Tramp soňğı könnärdä berniçä tapqır xärbi qatışu belän yanadı häm İran citäkçelären protestçılarğa qarata köç qullanmaw turında kisätte.

Şimbä könne Tramp AQŞnıñ yärdämgä äzer buluın äytte.

Atna axırında ütkärelgän İzrail qurqınıçsızlığına qağılışlı kiñäşmälärdä qatnaşqan çığanaqlar İzrailneñ yuğarı äzerlek statusınıñ ğamäldä närsä añlatuı turında mäğ’lümat birmäde.

İzrail belän İran 2025 yılnıñ iyün’ urtalarında 12 könlek suğış alıp bardılar. Bu konfliktta AQŞ İzrailgä quşılıp hawa höcümnäre oyıştırdı.

Şimbä könne Binyamin Netanyaxu belän AQŞ däwlät särqatibe Marko Rubio telefon aşa söyläşte.

Söyläşügä qatnaşqan İzrail çığanağı süzlärençä, Netanyaxu belän Rubio AQŞnıñ İranğa xärbi qatışu mömkinlegen söyläştelär.  AQŞ räsmiye söyläşüne rasladı, ämma nindi temalar qaraluın äytmäde.

Netanyaxu comğa könne “The Economist“ basmasına birgän interv’yusında ägär İran İzrailgä höcüm itsä bu bik awır näticälärgä kiteräçäk dip äytte.  Ul protestlarğa işarät itep, “Qalğan barlıq mä’sälälärdä dä, minemçä, bez İran êçendä närsälär buluın kürergä tiyeşbez” dide.