İran Buşehr atom-töş stansiyasenä AQŞ-İzrail höcüm itüen belderde
Wäqalätlelär cirle waqıt belän säğat 21:08 tiräsendä bulğan höcümneñ bernindi texnik zararğa yäki ülemgä kiterämäwen häm obyektnıñ barlıq öleşläreneñ tözek qaluın citkerde.
İrannıñ atom-töş ênergiyäse oyışması AQŞ häm İzrailneñ Buşehr atom êlektr stantsiyäsenä höcüm itüen belderde. Äytülärençä, ber snaryad anıñ territoriyäsenä töşkän, ämma zıyan kitermägän.
Däwlät mäğlümat agentlığı IRNA oyışmaga sıltama yasap xäbär itkänçä, Buşehrneñ kön’yağında urnaşqan obyektnıñ yaqınnarına cirle waqıt belän yaqınça säğat 21:08 tiräsendä (17:38 GMT) snaryad töşkän.
Belderüdä, monnan tış, berençel xisaplarnıñ bernindi texnik, matdi zıyan yäisä ülem-kitem bulmawın kürsätüe citkerelä. Stansiyäneñ barlıq bülemnäre isän-imin.
Bu waqıyğa axırğı könnärdä atom-töş obyektınıñ yanında bulğan ikençe höcüm.
Oxşaş höcüm 17 martta da başqarılğan ide: anıñ näticäsendä dä zıyan yäisä yaralanu terkälmägän.