Pänceşembe könenä çıqqan ber tikşerenügä kürä, bötendönya diñgez däräcäseneñ kütärelep tübän urnaşqan şähärlärneñ bu ğasır axırına qadär hälakätkä duçar bula aluı turındağı farazlardağı kürsätkeçlär ike tapqır arttı.

Tikşerenügä kürä, barı tik Antarktida bozlıqlarınıñ êrüe genä dä diñgez däräcäsen 2100nçı yılğa qadär 0,9 metrdan da artıq kütärergä mömkin,

Şul uq Antarktida bozlıqlarınıñ êrüe 2500nçe yılğa qadär diñgez däräcäsen yaqınça 15 metrğa arttıra ala diyelä tikşerenüdä.

Êlegräk häm kiñräk qabul itelgän faraz 2013nçe yılda BMOnıñ Xökümätara klimat üzgäreşläre panelı (IPCC) tarafınnan äzerlängän ide. Ul 2100nçı yılğa qadär böten dönyada diñgez däräcäse 0,9 metrdan artıq kütäreläçäk dip farazlagan ide.

"Bu küpçelek tübän urnaşqan şähärlär öçen hälakät bula ala," dip belderde tikşerenüneñ xezmättäşe, Massaçusets universitetı geologiya professorı Robert DeKonto.

“Mäsälän, Bostonda ğasır axırına qadär diñgez däräcäse 5 metrdan artıq kütärelä ala”, dip östäde ul.

Yanaw astında buluı belän telgä alınğan başqa şähärlärgä London, Nyu-York, Şanxay, Gonkong, Sidney häm Veneśiya kerä.